بیلمیـرم نـه دئییـم، کیمـی قینـاییـم!؟
کیمسـهیـه چاتیشمیـر سَسیـم هاراییـم.
بیلمیـرم اؤزومـو هـاردا آراییـم؟
اؤنومـدن قـاچ چکیـل سـن بـاری دونیـا.
أری – أری تؤکـول سـن بـاری دونیـا.
نئچـه طـایفـا – اولـوس، نئچـه
ائلیـک بیـز،
بوش – بوش یـالان داشیـب جوشـان سئلیـک بیـز،
دردیـن دییـهنمـهیـن سوسقـون دیلیـک بیـز،
کؤکونـدن سـن سؤکـول سـن بـاری دونیـا.
أری – أری تؤکـول سـن بـاری دونیـا.
سـؤزده چـوخ قـوچـاغیـق عملـده یوخـوق،
سایـدا نه فایـدا کـی، هامیـدان چوخـوق.
سـؤزو دییـهنمیـرم چـوخ آچیـق – آچیـق
أییـل ایکـی بوکـول سـن بـاری دونیـا.
أری – أری تؤکـول سـن بـاری دونیـا.
بیـز نـه اوغـول اولـدوق نـهده قیـز اولـدوق،
أییلـهن بئـل اولـدوق، چؤکـهن دیـز اولـدوق،
غنیـم یـاد اولمـادی بیـزه بیـز اولـدوق
گئـت گؤزومـدن أکیـل سـن بـاری دونیـا.
أری – أری تؤکـول سـن بـاری دونیـا.
هـر یانیمیـز دولـو قاچـاق، قـاداغـا،
باشیمیـزدا نـه واختـاجـان یـاد آقـا!
بیـزیـم یئـریمیـزه یوخ بیـزده حیـا
أری – أری تؤکـول سـن بـاری دونیـا.
أری – أری تؤکـول سـن بـاری دونیـا.
